Taman Geguritan "LUNGKRAH"


Lungkrah
                                                                        
Rasane mung nglawung tanpa bisa kranggeh
Lungkrahe awak kaya raga tanpa daya
Pengin medharake apa kang ana ditelenging nala
Nanging kandheg tanpa bisa kumlawe
Ana apa ta sejatine ragaku
Kaya wadhag kang tanpa roh
Akeh gegayuhan kang kepengin direngkuh
Nanging bebasan cebol nggayuh lintang
Kabeh sirna tanpa bisa dikendhaleni
Pandulu denalingi pedhut lelimengan
Peteng ndhedhet tanpa bisa sinawang.
Mung bisa ngadeg jejeg nyawang wewayangan
Kang sansaya suwe sansaya ngilang
                                                                                               



(Dimuat PS No.27 tgl 7 Juli 2018)

Komentar

Posting Komentar

Postingan populer dari blog ini

Taman Geguritan "MANEKUNG"

Manekung Anggitan: Widyastuti Sang bagaskara wis sumunar Gumregaha nini Widadara bakal marak ing ngarsane Aweh palapuran marang hamurbeng rat Aja nganti katungkul Ayo manekung Supaya pikantuk Alam kanikmatan padununge sukma Tansah ngestokake dhawuhe gusti Bakal mukti mengkone Menawa kowe mbuja karepe dhewe Bakal getun tundhone (Kapacak ing PS No. 11 Tanggal 17 Maret 2018)
Baca selengkapnya

Taman Geguritan "ALAM DONYA"

Alam Donya Sunaring lampu madhangi dalan kang dakpecaki Pating gemebyar, kaya gumebyaring alam donya Donya kang kebak samudana, kebak lamis Kaya lamising omongane manungsa Kang ora bisa diugemi esuk dele sore tempe Cumloroting lampu mung saklerapan Kaya kedheping netra tanpa rinasa Nyecep banyu bebasan mampir ngombe Urip ing alam donya ora kena aji mumpung Kabeh dilakoni kanthi pikir kang wening Ati kang sareh tan kebak hawa napsu Tansah tumungkul suyud Ngestoake dhawuhing Gusti Amrih lila legawa lan tinampa Ing pangayunaning ingkang kuwasa Terbit: Djaka Lodang tanggal 20 Oktober 2018
Baca selengkapnya

Taman Geguritan "AKU"

Aku Anggitan: Widyastuti Aku pancen bocah embuh Nalika weruh wangunan kang ngemu Pasujarahan dijarah rayah atiku ora trima Nalika kabudayan kok singkang atiku runtik Aku pancen bocah embuh Nalika padha nerak aturan Aku bakal kojah Nalika padha seneng marang kang ora bener Aku bakal micara pener Aku pancen bocah embuh Nalika menangi kang ora trep ing ati Aku bakal ora sudi mituruti Nalika pranatan wis ora tumata Aku bakal opyak Dimuat Djaka Lodhang 12 Januari 2018
Baca selengkapnya